Zdravlje crijeva u velikoj mjeri utiče na energiju, raspoloženje i imunitet, pa ne čudi što se sve više ljudi okreće prirodnim načinima da ga poboljša.
Jedan od najjednostavnijih i najprijatnijih načina za to je šolja toplog čaja. Neke vrste čajeva imaju posebno blagotvorno dejstvo na varenje jer umiruju iritaciju, ublažavaju nadutost i podstiču rad crijeva. Prema mišljenju stručnjaka za ishranu tri vrste čaja koje najviše doprinose zdravlju crijeva i varenja, piše Index.
Kamilica
Kamilica je poznata po svojim umirujućim svojstvima, ali i po tome što pomaže kod probavnih tegoba. Može ublažiti grčeve, smanjiti nadutost i pomoći u opuštanju mišića crijeva.
Nutricionisti ističu da redovno ispijanje kamilice poslije obroka može doprinijeti zdravijem probavnom sistemu, posebno kod osoba koje imaju osjetljiv želudac.
Đumbir
Ovaj aromatični koren već se vjekovima koristi za ublažavanje mučnine i podsticanje varenja. Topli napitak od đumbira pomaže ubrzanju metabolizma i prirodnom čišćenju crijeva.
Prema riječima nutricionista i dijetetičara, đumbir može biti odličan saveznik kod osjećaja težine nakon jela jer podstiče lučenje probavnih enzima.
Nana
Nana djeluje osvježavajuće i umirujuće, a posebno je korisna kod nadutosti i gasova. Čaj od nane opušta mišiće probavnog sistema i olakšava prolazak hrane kroz crijeva, čime smanjuje osjećaj nelagodnosti.
Nutricionisti često preporučuju nanu kao prirodno rješenje za ljude koji povremeno imaju probleme sa varenjem.
Redovno uživanje u ovim čajevima može doprinijeti tome da crijeva rade uravnoteženo, a varenje bude mirnije i lakše.
