Prema njegovim riječima, ovo izuzetno priznanje je snažna potvrda predanog rada i posvećenosti.
„Ali, prije svega, dokaz da su napori koje ulažemo u razvoj naših sela na Žabljaku i cjelokupnu poljoprivredu prepoznati na najvišem nivou. Poljoprivreda je, i uvijek će biti, srce i duša naše opštine Žabljak. Ona hrani naše porodice, omogućava egzistenciju i predstavlja temelj stabilnosti i prosperiteta našeg kraja”, kazao je tim povodom Popović.
Iako su, dodao je, postignuti značajni rezultati, duboko su svjesni da uvijek može i mora više.
“Neophodno je da se još snažnije bazira na poljoprivredi, jer je ključni resurs za našu budućnost ovdje na Žabljaku. Naš primarni cilj je očuvanje i revitalizacija svakog sela na Žabljaku. Moramo stvoriti uslove koji će mladima omogućiti opstanak i razvoj u našim ruralnim područjima, jer su naši seljaci i poljoprivrednici oduvijek bili i ostali istinski snaga Žabljaka i cijele države”, poručio je on.
Prema njegovim riječima, njihov trud i posvećenost zaslužuju punu podršku i sve potrebne podsticaje.
“Ova nagrada nas dodatno motiviše da nastavimo sa još intenzivnijim radom na unapređenju ruralnog razvoja, promociji inovacija u poljoprivredi specifičnih za naš kraj i pružanju sveobuhvatne podrške našim vrijednim poljoprivrednicima. Zajedničkim snagama gradićemo bolju budućnost za sva naša sela i za cijeli Žabljak”, zaključio je Popović.
