I dok još nije poznato da li će vazdušne luke ostati u vlasništvu države, ili će njima u budućnosti upravljati privatnik, danas se vraćamo u ne tako davnu prošlost i podsjećamo ka kojim se destinacijama iz ondašnjeg Titograda i Tivta moglo letjeti prije tačno 35 godina.
Najprije treba pomenuti kako su sa pomenuta dva aerodroma letjeli avioni JAT-a i Adria Airwaysa.
Te 1990. godine, iz Titograda se moglo letjeti ka četiri jugoslovenska i 10 aerodroma širom Evrope.
8Najfrekventniji su bili JAT-ovi letovi na relaciji ka Beogradu, a potom slijede Zagreb, Mostar i Split, ka kojima je letjela Adria.
Kada su u pitanju međunarodni letovi, iz Titograda su tada putnici mogli birati direktne letove ka Londonu, Rimu, Bariju, Dizeldorfu, Frankfurtu, Štutgartu, Hamburgu, Hanoveru, Pragu i Bratislavi.
Broj destinacija ka kojima se moglo iz Tivta bio je znatno manji.
Kada su u pitanju domaće linije, iz vazdušne luke na našem primorju moglo se ka Beogradu i Ljubljani. Pored toga, iz Tivta su te godine letjeli i avioni za Beč i Amsterdam.
