Na području Silivrija potraga se nastavlja. U akciji učestvuju Obalska straža, Pomorska bezbjednost, Ratna mornarica, AFAD i Crveni polumjesec, sa ukupno 18 plovila, 5 helikoptera, 2 drona, 1 avionom, kao i brodom Ratne mornarice koji vrši podvodnu pretragu, pišu turski mediji.
Nakon sudara tankera ALSU i teretnog broda Tugberk Imamoglu, koji se dogodio oko 18 nautičkih milja južno od Silivrija u Istanbulu, potraga i spasilačke operacije na mjestu gdje je brod potonuo trajale su tokom cijele noći.
U Silivriju je nakon nesreće formiran krizni centar pri Pokrajinskoj upravi za vanredne situacije, gdje se situacija prati iz minuta u minut.
U potragu su uključeni Obalska straža, Pomorska bezbjednost, Ratna mornarica, AFAD i Crveni polumjesec. Na terenu su 18 plovila, 5 helikoptera, 2 drona, avion i brod Ratne mornarice koji pretražuje područje ispod površine mora.
Na području gdje se vodi potraga, porodice i rodbina članova posade i dalje čekaju vijesti.
Tanker ALSU, koji je iz sudara izašao bez oštećenja, i dalje se nalazi usidren u području kod Silivrija.
Podsjećamo, prazan tanker ALSU, koji je plovio iz Kočaelija prema Alijagi, i teretni brod koji je prevozio 4.199 tona čeličnih rolni iz Iskenderuna prema Karadeniz Ereğliju, sudarili su se juče oko 3:00 ujutro, približno 35 kilometara južno od Silivrija.
0Na brodu je bilo 10 članova posade, a brod je nakon sudara potonuo.
Vlasnik kompanije teretnog broda, saopštio je da je kapetan prije sudara putem radio-veze upozorio tanker ALSU.
Pošto tanker nije skrenuo ulijevo, kapetan ga je ponovo pozvao i rekao:
„Alsu, rekao sam ti da skreneš ulijevo.“
Drugim riječima, iz objavljenog razgovora izgleda da je kapetan pokušao upozoriti ALSU neposredno prije sudara, a istražitelji sada analiziraju radio-komunikaciju i podatke o kretanju oba broda.
