Zbirka eseja Riječju do suživota i tolerancije, održana je danas u sali JU Zahumlje Nikšić.
Zbirka je nastala sa ciljem podsticanja djece RE populacije na književno izražavanje i jačanje svijesti o važnosti suživota i tolerancije, u organizaciji Alfa Centra.
Zbirku čini 11 eseja djece RE populacije iz Nikšića. Eseji su nastali na radionici kreativnog pisanja koju su vodili dječiji pisci Goran i Milica Radojičić, kao produkt centralnog motiva: SveMIR u nama.
Ideja je da putem eseja djeca predstave značaj i osobenost svoje kulture uz važnost prihvatanja svih različitosti jednog društva.
Autori eseja su: Fljorijeta Beriša, Sermina Hajruši, Abedin Delija, Lorijana Radović, Almedina Keljmendi, Florijan Beriša, Hamdi Malaj, Albertina Šalja, Arba Šalja, Svela Šalja i Samira Zećiri. Svaki esej je preveden na romski jezik uz pomoć prevodioca i sudskog tumača za romski jezik - Elvisa Beriše.
Koordinatorka projekta, Dragana Petrović, osvrnula se na značaj projekta, kao i na važnost promovisanja tolerancije i razumijevanja u našem društvu.
Pisac za djecu i mentor tokom izrade esejamr Goran Radojičić, podijelio je svoja iskustva i govorio o tome kako kreativno pisanje može biti moćno sredstvo za razvoj kritičkog razmišljanja i izgradnju tolerantnijeg društva.
Sudski tumač za romski jezik Elvis Beriša, kazao je nešto više o značaju romskog jezika i kulture u procesu razumijevanja i komunikacije među različitim zajednicama.
Po završetku obraćanja, djeca su čitala svoje radove, dok je Elvis Beriša iste pročitao na romskom jeziku.
