"Danas, uz realnu cijenu m2 od 1.700 eura, vrijednost tog stana porasla je na 85.000 eura. Uz očekivani i realni rast kamatne stope, iznos duga za kredit na 20 godina bio bi oko 151.000 eura, a mjesečni anuitet bi iznosio 630 eura", navodi Anđišić.
Sama vrijednost stana za četiri godine povećana je, kako kaže Anđušić, za 25.000 eura, ukupan iznos duga za kredit na 66.000 eura, a mjesečna rata za 250 eura.
"Dakle, za istu nekretninu koja se kupuje danas, u odnosu na period od prije četiri godine, usljed rasta cijena nekretnina i kamatnih stopa, anuitet je veći za čak 65%.
Ovim zabrinjavajućim trendovima pogođene su mnoge kategorije društva (podstanari, mladi bračni parovi). Cijene rentiranja stanova su višestruko uvećane. Država mora sprovesti mjere kojima bi, makar privremeno, ublažila posljedice ovakvih trendova i pomogla ugroženim građanima", ističe Anđušić.
