Izvor
Prema nezvaničnim informacijama Dnevnih novina, Žižić je, dok se tuširao, navodno iskoristio priliku dok je toalet bio prazan, da sa tuš-kabine skine konopac i priveže ga sebi oko vrata, prikačivši ga pritom za metalnu šipku.
"U tom momentu, u toalet je ušao zatvorski čuvar koji mu je pritekao u pomoć. Istovremeno, i konopac koji mu je bio privezan oko vrata, pukao je", kazao je jedan od sagovornika Dnevnih novina.
Žižić je odmah prebačen u Klinički centar, gdje je pregledan, a potom je vraćen u ZIKS.
"Žižić je nakon povratka iz KC-a smješten u sobu za izolaciju, pod video-nadzorom", rečeno je iz ZIKS-a.
Žižić je uhapšen u junu 2010. godine, 20 dana nakon što je ubio svoju ženu Zlatiju i zakopao je ispred porodične kuće u Šavniku.
