Mančester junajted slavio je nakon velikog preokreta protiv Notingem foresta - 3:2 (1:2).
Bio je to krajnje šokantan početak - 'šumari' su u četiri uvodna minuta postigli dva gola. Prvo je pogodio Avoniji, a potom i Boli. Kristijan Eriksen je ublažio zaostatak domaćih u 17. minutu i to je bilo to u prvom poluvremenu. Poravnanje je uslijedilo u 52. minutu - Fernandeš je asistirao, a Kazemiro pogodio. Konačno, potpuni preokret dogodio se u 76. minutu, kada je Bruno Fernandeš bio precizan iz penala.
Slično je bilo i na Emirejtsu - tamo je Arsenal stigao do preokreta protiv Fulama, ali na kraju nije sačuvao pobjedu iako je imao igrača više. Na kraju je bilo 2:2 (0:1).
Pereira je pogodio Ramzdejlovu mrežu već u prvom minutu, ali su 'tobdžije' preokrenule goloviima Sake u 70. minutu iz penala i Nketije dva minuta kasnije. Publika u Londonu vjerovala je kako je meč time riješen, u međuvremenu je Fulam ostao i sa igračem manje, da bi u 87. minutu uslijedio šok - Palinja je gostima donio bod.
Brentford i Kristal Palas nastavili su sa tradicijom remija (1:1), dok Everton nastavlja da niže poraze - danas je tri boda u Liverpulu osvojio Vulverhempton - 0:1.
Rezultati: Bornmut - Totenhem 0:2, Čelsi - Luton 3:0, Brentford - Kristal Palas 1:1, Arsenal - Fulam 2:2, Mančester junajted - Notingem forest 3:2, Everton - Vulverhempton 0:1.
Večeras: Brajton - Vest Hem.
Sjutra: Šefild junajted - Mančester siti, Barnli - Aston vila, Njukasl - Liverpul.