Oni su kako pišu Dnevne novine u petak oko 15 sati krenuli iz Mioske za Kolašin u namjeri da nabave piće i hranu.
Prema njegovim riječima nakon dva kilometra su se prvi put zaglavili, ali su uspjeli da uđu u tunel.
“U međuvremenu, sniježni namet je pao na put kojim smo prošli, udarili smo u njega, jer Brano koji je vozio nije dobro vidio od snijega i mećave. Izašli smo i pješke se vratili na Miosku", rekao je Kujović Dnevnim novinama.
Potom su se vratili do auta da ga očiste lopatama.
“Začuo sam huk, krenuo da bježim, ali me je lavina dohvatila i oborila. Kada sam se izvukao, vidio sam da je Brana zatrpala," rekao je Kujović.
On je nastavio da kopa snijeg prema komšiji, preko haube, jer je bio sa druge strane automobila - ali nije uspio.
"Trebalo mi je još oko metar, kada je grunulo i opet me poklopilo”, kazao je on.
