„Nemam pojma kako sam sve to izdržao. Sam sebe sam iznenadio. Nadljudskim naporima smo moja posada i ja riješili situaciju“, rekao je kapetan Marić, prenosi 24sata.hr.
Brod je tokom dana imao problema s motorom i približavao se opasnim dijelovima obale, dok je jugo otežavalo plovidbu. Na intervenciju je upućen remorker Hrabri iz luke Ploče, koji je pomogao brodu da se sigurno manevriše i eventualno ga odvuče od opasnih područja.
53„Situacija je bila toliko dramatična da nijesmo ni na wc stigli otići. Toliko se ljuljalo, povraćali smo po brodu. Za takve oluje kažemo da su prave ‘beštije’ ili čudovišta. Bilo me strah kad smo tek došli, osobito na najkritičnijoj tački“, opisao je Marić.
Dodao je da je ključni momenat bio pronalazak mjesta za privremeno zadržavanje broda dok se situacija ne smiri.
Nakon nekoliko sati čekanja, posada je uspjela stabilizovati brod i dovesti ga do obale. Tegalj je uhvaćen, a brod je sigurno priveden u luku Stari Grad na Hvaru oko dva sata ujutro.
Marić ističe i profesionalnost kapetana crnogorskog broda.
„Moram reći da skidam kapu kapetanu crnogorskog broda. To je stariji čovjek, on dva dana nije spavao, a možda i više, i sve je to izdržao i fantastično odradio. Kasnije smo razgovarali o svemu i tako je dobra energija između nas bila. Sav se ježim kad se toga sjetim“, rekao je kapetan Marić.
On je zaključio da ovakvu akciju, iako profesionalno zadovoljavajuću, ne bi poželio ni najgorim neprijateljima.
