Šefica diplomatije EU Kaja Kalas danas je optužila Moskvu za sponzorisanje terorizma.
Sve se dešava nakon što je Berlin optužio Rusiju da je prošlog mjeseca pokušala da izvede napad dronom na aerodrom u Lajpcigu, javlja Kijev Indipendent.
„Jasno je da ovaj slučaj ima sve odlike terorizma koji sponzoriše država“, kazala je Kalas novinarima uoči neformalnog sastanka ministara vanjskih poslova EU, koji danas održava u Viklouu, u Irskoj.
Evropske diplomate trebalo bi da razgovaraju o mjerama protiv Rusije.
Dronovi su 4. avgusta otkriveni na aerodromu u Lajpcigu, a jedan od njih udario je u teretni avion. Medijski izvještaji i američke obavještajne službe, a potom i njemačka vlada, označili su Rusiju kao odgovornu za ovaj hibridni napad.
Kalas je navela da na neformalnom sastanku neće biti donošene odluke o odgovoru, već će se razgovarati o ovom pitanju i mogućim sankcijama.
„Već imamo spremno 1.600 stavki koje se odnose na ruski vojni kompleks, a možda će biti dodate i nove“, kazala je ona.
