„Osmi mart nije samo praznik – to je dan borbe, solidarnosti i podsjetnik da prava žena nijesu poklonjena, već izborena“, kazali su iz Foruma žena Evropskog saveza.
Oni poručuju da borba za ravnopravnost žena u Crnoj Gori nije završena i neće stati dok svaka žena ne bude živjela slobodno, bez diskriminacije, nasilja i nejednakih šansi.
“U društvu koje i dalje karakterišu duboko ukorijenjeni stereotipi, ekonomska nesigurnost i nedovoljna zastupljenost žena u procesima odlučivanja, ne smijemo se zadovoljiti simboličnim porukama i deklarativnom podrškom. Potrebne su konkretne politike, stvarna politička volja i odlučna borba protiv svakog oblika nepravde prema ženama”, kazali su.
Forum žena Evropskog saveza ostaje dosljedan u borbi za društvo u kojem će ravnopravnost biti stvarnost, a ne samo obećanje.
“Naš cilj je Crna Gora u kojoj će žene biti slobodne, sigurne i ravnopravne u svakom segmentu društva. 8. mart je podsjetnik da se prava moraju braniti svakog dana”, zaključili su.
