Bivši selektor crnogorske fudbalske reprezentacije Branko Brnović u intervjuu za Mozzart govorio je o odnosima sa predsjednikom FSCG Dejanom Savićevićem.
“Mi smo 30 godina bili kao dva brata, i moj brat (Dragoljub Brnović) isto tako sa njim. Došlo je do te situacije gdje sam ja nešto zamjerio, pa je on poslije meni zamjerio da se družim s nekim ljudima s kojima on nije dobar. Došlo je tu i do nečeg drugog, jer ja nisam od onih što klimaju glavom. Čovjek sam koji zna da kaže ‘ne’, i ‘ne’. On se, otprilike, druži s ljudima koji ne smiju da mu kažu ‘e, pa nije tako’. Nema ko da mu kaže – Dejo, ovo je bordo, nije crna. Tako je došlo do razilaženja”, rekao je Brnović.
Bilo je gluposti, dodaje Branko, podsjetivši na situaciju kada je Savićević pocijepao zajedničku sliku.
“To je obišlo region. Svi su mu to zamjerili. Zovu me istog sekunda da mi ispričaju, ja se smijem, to je njegov problem. Ako bude krenuo sve da ih cijepa, moraće godinu dana to da radi, s obzirom na to koliko imamo zajedničkih slika. Ja nemam problem, evo stavio sam ga prvog u idealni tim, stvarno jeste genije. E sad, što su neke druge stvari takve kakve jesu… Imam svoj život, svoju familiju, svoje društvo. Meni su vrata od kuće uvijek otključana, kapija širom otvorena. Ne bojim se ničega, ništa nisam skrivio, nikom ništa ukrao”, zaključio je Brnović priču za Mozzart Sport.
