Ona ističe kako se sve dogodilo u rano jutro, kada je ustala i otišla da pomuze krave.
"Samo što sam ušla u kuću da ostavim zdjele, okrenula sam se i vidjela medvjeda koji je napao kravu. Kako se stvorio odjednom, ne znam", kaže Vila Mrkulić iz Grnčara, a prenosi TVCG.
Ona je rekla kako je počela da pravi buku, od koje se medvjed uplašio i pobjegao.
Srećom, naporima veterinara, krava je spašena.
Ipak, Mrkulić se pribojava - kaže kako ne može biti sigurna da se medvjed neće vratiti.
"Mislim da je medvjed došao iz pravca albanske teritorije, jer je selo Desni Grnčar na samoj granici. Moram da kažem da je ovo prvi put da medvjed dođe do kuća. Dešavalo se da se manje životinje, lisce, kune, zečevi ranije približe kućama, ali medvjed da uđe u dvorište i napadne kravu, a mogao je i mene, prvi put se dešava“, kazala je Mrkulić.
