"Očekivanja radnika je da se napokon kaže da se fabrika preduzima. Radnici više nemaju strpljenja. Imali smo strpljenja, ne 66 dana od kad prostestujemo, nego deset godina", kazao je predstavnik radnika Ivan Vujović.
On je istakao da posljednjih godinu dana nema proizvodnje.
"Mi se nismo bunili jer smo imali čvrsto obećanje od strane države, bivšeg ministra Jakova Milatovića i vlasnika iz Turske danećemo dobiti otkaze, da se čeka novi vlasnik", naveo je Vujović.
On je poručio da su radnici spremni za svaki vid radikalizacije protesta.
"Radnici Željezare neće dozvoliti da ostanu bez kore hljeba. Nadamo se da će napokon biti riješena ova agonija", rekao je Vujović.
Milan Kosović je istakao da su ranije dobili uvjerenja od države i premijra Dritana Abazovića da će se riješiti situacija u fabrici.
"Apelovao bih na gospodina Davidovića da maksimalno iskoristi svoje kapacitete i danas završi posao", kazao je Kosović.
On je Davidoviću poručio da ako preuzme Željezaru da neće propasti i on, ni fabrika.
"Ovo je zadnji momenat za spas Željezare. Vjerujemo u nas i u njegove (Davidovićeve) i kapacitete njegovih partnera", poručio je Kosović.
