Izvor
"Juventus i Napoli su zasluženo ispred nas, ali mi smo blizu i želimo da do kraja budemo u trci za titulu. Znamo da imamo jak tim, samo moramo da igramo konstantno. Mi smo skromna ekipa koja može da se bori kada je to potrebno, što smo i pokazali protiv Milana", rekao je Zaneti italijanskim medijima.
Inter je u neđelju savladao gradskog rivala Milan sa 1:0 u sedmom kolu Serije A i nalazi se na četvrtom mjestu sa 15 osvojenih bodova, koliko ima i trećeplasirani Lacio. Ispred te dvije ekipe su jedino Juventus i Napoli, koji imaju po četiri boda više.
Inter je pet sezona uzastopno osvajao titule u Seriji A, prije nego što ih je pretprošle sa trona skinuo Milan, dok su prošle završili tek na šestom mjestu.
