“Veliko takmičenje i veliko iskustvo je naći se ovdje sa najboljima. Kao što sam i najavljivala, ispod dva metra medalja je bila nemoguća. Žao mi je zbog skokova na 198 cm zato što sam se malo pogubila na toj visini. Ipak, kao lavica sam se izborila na 196cm. Teško je, ali opet zahvalna sam što sam bila učesnik finala na svojim prvim Olimpijskim igrama i skakala sa najboljima”, rekla je Vuković.
Zlato je pripalo Ruskinji Mariji Lasitskene sa 204cm, a samo četiri takmčarke su u finalu skočile više od 196 centimetara.
“Mali je kiks što sam iz trećeg pokušaja preskočila tu visinu. Znam da imam više u nogama, ali dobro je… Hvala Bogu, zdrava sam, prava sam i nadam se da ću poslije Tokija nastaviti da skačem i da će mi karijera ići samo uzlaznom putanjom”, istakla je Vuković.
