Prvi trening pripao je klupskom kolegi Sebastijana Fetela Marku Veberu, a trenutno vodeći u generalnom plasmanu je tokom posljednjeg kruga preoteo prvo mjesto Mihaelu Šumaheru sa vremenom 1:54,589.
Što se tiče drugog treninga Vebera je na vrhu smijenio Sebastijan Fetel koji je, kako prenose mediji, spržio stazu sa vremenom 1:46,660, ostavivši klupskog kolegu na drugom mjestu sa tek nešto više od pola sekunde zaostatka.
Meklaren i Ferari takođe su bili daleko bolji nego tokom prve vožnje pa je Baton završio treći, a Hamilton peti, dok su Alonso i Masa zabilježili peto, odnosno sedmo mjesto. Među prvih deset našli su se i Niko Rozberg, Robert Kubica i Mihael Šumaher.
Zvanični trening za VN Singapura vozi se u subotu, a trka u neđelju uveče. Kiša koja je ovih dana padala prognozirana je i za sam dan trke, ali je danas nije bilo dok je staza bila djelimično vlažna.
