No, selektor Hrvatske Ivica Tucak smatra kako njegovu ekipu ujutro očekuje jako težak posao.
"Znam njihove igrače i selektora. Jasan mi je njihov sastav, njihov način razmišljanja i jasno je da će protiv Crnogoraca biti jako teško. Oni su vrh svjetskog vaterpola, uvijek su među osam, mada im u posljednje vrijeme izmiču medalje. Dinamična su i mlada ekipa. Kompaktni su i imaju ritam, a ono što mi ne smijemo, jeste da upadnemo u taj njihov ritam", poručio je on.
Kaže kako će težiti da sve svedu na pozicionu igru.
"Moramo da znamo ko kada završava, sve detalje moramo da dogovorimo i onda vjerujem u pobjedu. Nemamo problema u ekipi, krvavo smo i pošteno radili na pripremama i nadamo se pozitivnom rezultatu", naglasio je Tucak.
Meč Crna Gora - Hrvatska počeće u 10 časova.
