Majka jednog osnovca u Hrvatskoj proglašena krivom jer je njen sin u osnovnoj školi nakupio stotine neopravdanih.
Sud u varaždinu donio je predusu i žena (45) je proglašena krivom, jer nije brinula da njen sin, učenik osmog razreda osnovne škole u Varaždinu, “redovno pohađa obvezni dio programa i druge oblike vaspitno-obrazovnog rada, radi čega je učenik tokom školske godine 2023/2024 neopravdano izostao 224 časa", prenose hrvatski mediji detalje presude.
Majka se na sudu branila kako nije išao na nastavu zbog prijetnji drugog učenika, poziva na razgovor kod pedagoga te omalovažavanje od strane nastavnika.
Rekla je kako joj je sin ponavljao osmi razred, pa je nakon svega prestao da dolazi u školu.
"U početku smo slali izvinjenja, ali kasnije smo to prestali raditi", ističe majka, pa je sin do februara nakupio čak 434 izostanaka, od čega 224 neopravdana časa.
Sudija je ovih dana zaključio kako je sve eventualne probleme sina u školi trebala osobno rješavati s pedagogom i nastavnikom i direktoricom osnovne škole, a ne na način kako je to učinila.
Naglasio je i kako je prema zakonu bila dužna d aosigura da joj “sin redovno odlazi u školu i pohađa nastavu”.
Inače, predviđena kazna za takav prekršaj iznosi od 60 do 660 eura, a majka je proglašena krivom i dobila je samo opomenu s obzirom da joj je to prvi put. Inače je razvedena i nezaposlena, piše Danica.hr.
Završila je na sudu jer je protiv prekršajnog naloga uložila prigovor, pa je protiv nje sproveden hitni postupak.
Otac se nije žalio, odnosno nije uputio prigovor, pa je prekršajni nalog protiv njega odmah postao pravosnažan.
