Komperator, bivši šef vatrogasaca za grad Bafalo, izgubio je život dok je pokušavao da zaštiti suprugu i ćerke kada je napadač iz Pensilvanije Tomas Metju Kruks otvorio vatru na Trampa tokom njegovog predizbornog govora na mitingu, izvijestili su lokalni mediji.
Sestra žrtve, Davn Komperator Šafer (Dawn Comperatore Schafer), napisala je u objavi na Fejsbuku da je Kori „bio heroj koji je štitio svoje ćerke“.
"Njegova žena i djevojke su upravo preživjele nezamislivo. Moj mlađi brat je upravo napunio 50 godina i ostalo mu je još toliko života da doživi. Mržnja nema granica i ljubav nema granica. Molite se za moju snaju, nećake, za moju majku, sestru, mene i njegove nećake, jer ovo izgleda kao užasna noćna mora, ali znamo da je to naša bolna stvarnost", napisala je ona.
