Spektakularna pobjeda Irana golovima u sudijskoj nadoknadi

Na stadionu „Al Rajan“ izabranici Karloša Keiroša savladali su Vels rezultatom 2:0 (0:0). Golovi za azijsku selekciju stigli su u poznoj fazi sudijske nadoknade – u 90+9. i 90+11. minutu. Ovom pobjedom Iranci ostaju u konkurenciji za plasman u osminu finala, dok će Velšanima biti potrebno čudo protiv Engleske.

Posljednje kolo na programu je u utorak, a dueli B grupe igraće se istovremeno – od 20.00. Vels će ponovo igrati na „Al Rajanu“, a rival će im biti Engleska, dok će Iran na „Al Tumami“ igrati protiv ekipe SAD.