Fudbal

Šok za Siti: Izbacio ih je Inzagijev Al Hilal, spektakl u Orlandu odlučen u produžecima

Nakon Intera, Svjetsko klupsko prvenstvo nakon osmine finala napuštaju i fudbaleri Mančester sitija.

Šok za Siti: Izbacio ih je Inzagijev Al Hilal, spektakl u Orlandu odlučen u produžecima Foto: AP
Portal AnalitikaIzvor

Oni su jutros u Orlandu nakon produžetaka poraženi od saudijskog Al Hilala, rezultatom 3:4 - 2:2 (1:0).

Podsjetimo, Al Hilal, kojeg sa klupe vodi Simone Inzagi, proteklu sezonu u šampionatu Saudijske Arabije završio je na drugom mjestu.

Meč je otvoren pogotkom Bernarda Silve u osmom minutu, a rezultat se do kraja prvog poluvremena nije mijenjao.

Drugi dio počeo je uz čak tri pogotka. U 46. minutu poravnao je Leonardo, da bi u 52. Malkom preokrenuo na 1:2. Tek tri minuta kasnije bilo je 2:2 - strijelac je bio Haland.

Tako je ostalo do kraja utakmice, da bismo u produžecima vidjeli još tri pogotka. 

Kalidu Kulibali je na startu prvog produžetka doveo Al Hilal do novog vođstva, a u 104. minutu izjednačio je Fil Foden. Gol vrijedan plasmana u četvrtfinale postigao je Leonardo, i to u 112. minutu.

Sastav iz Rijada u četvrtfinalu će igrati protiv brazilskog Fluminensea.

Osmina finala:

Palmeiras - Botafogo 1:0 - 0:0

Benfika - Čelsi 1:4

PSŽ - Inter Majami 4:0

Flamengo - Bajern 2:4

Inter Milano - Fluminense 0:2

Mančester siti - Al Hilal 3:4

Real Madrid - Juventus (utorak, 21:00)

Borusija Dortmund - Monterej (srijeda, 03:00)

Četvrtfinale:

Palmeiras - Čelsi

Fluminense - Al Hilal

PSŽ - Bajern

Real / Juventus - Borusija / Monterej

Portal Analitika