"Zeta ima svoje ljude, svoju riječ i svoje dostojanstvo. I kada god je neko pokušao da odlučuje umjesto građana, Zeta je umjela da kaže ‘ne’. Stojim uz narod Botuna i cijele Zete, uvjeren da kolektor na ovoj lokaciji nije rješenje koje bi donijelo mir, sigurnost i povjerenje", istakao je predsjednik tog odbora Branko Noković.
Na terenu je stanje jasno, dodaje on.
"Ljudi su postavili šatore, spremni da bdiju nad svojom zemljom. To nije hir, već poruka — da se odluke o budućnosti Zete ne mogu donositi iza zatvorenih vrata, bez uvažavanja onih koji ovdje žive. Ja ne pozivam na blokade, ali ne mogu ni da zatvorim oči pred činjenicom da su one posljedica osjećaja da neko ignoriše glas naroda. To je alarm koji se mora čuti. Zato ponavljam stav OO SNP Zeta: referendum je najpošteniji, najdemokratskiji i najčistiji put", naveo je, uz ostalo, on.
