Skadar pod 'opsadom': Psi tumaraju gradom u čoporima, ima ih više od 1.500

Lokalne vlasti navode kako ulicama tog grada trenutno tumara oko 1.500 pasa, uglavnom u čoporima, te da je riječ isključivo o odraslim životinjama.

Život u gradu tako postaje opasniji, a čelnici gradske vlasti sumnjaju kako su za sve krivi ljudi iz drugih opština.

Naime, tamošnji čelnik organa zaduženog za lokalne komunalne djelatnosti Aljban Sekja tvrdi kako pse dovoze iz drugih mjesta u Albaniji.

“To nije rezultat razmnožavanja uličnih pasa koji su bili po gradu ranije. U pitanju je priliv pasa iz drugih opština, koji se dešava naglo. Na ulicama je sada više od 1.500 pasa lutalica”, rekao je on.