On je odigrao završnih dvadesetak minuta duela prvog kola Serije A u Bergamu, koji je završen iznenađujućim rezultatom. Atalanta je, naime, osvojila samo bod protiv Pize (1:1), koja se vratila u najjači rang nakon pune 34 godine.
Krstović je u igru ušao u 72. minutu umjesto Skamake.
Od tada je naš napadač bio konstantno 'opkoljen' suparničkim defanzivcima, pri čemu je u 81. minutu tražio i jedanaesterac, ali sudija Arsena pokazao je da igra bude nastavljena. Rušili su ga igrači Pize i u nadoknadi - u tom je momentu bio okružen trojicom čuvara, ali ni tada, prema mišljenju arbitra, nije bilo dovoljno kontakta za penal.
Inače, do vođstva su stigle novajlije u Seriji A, i to autogolom Hina u 26. minutu. Poravnao je Skamaka u 50. i, kako se ispostavilo, postavio konačan rezultat.
