Imala je Barselona blagu prednost u posjedu lopte, ali i daleko veći broj pokušaja i ozbiljnih situacija pred golom rivala.
Ipak, iz 16 šuteva ka golu, zapravo je samo dva puta natjerala golmana gostiju na reakciju.
Sa druge strane, Đirona nije imala niti jedan šut u okvir gola i sasvim je zadovoljna osvojenim bodom.
Dvije najozbiljnije prilike da dođe do pobjede Barselona je imala u 36. i 37. minutu. Prvo preko Rafinje čiji je dobar pokušaj izblokiran, a zatim i preko Ronalda Arauha koga je sjajno zaustavio golman Gazaniga.
Đirona je tako prekinula niz od četiri ligaške pobjede Barselone koja sada na prvom mjestu na tabeli ima 72 boda, 13 više od Reala. Đirona je 11. sa 35 bodova.
U narednom kolu Barselona će u goste Hetafeu, dok Đirona dočekuje Elče.
