-Smiješno je očekivati da će šef režima dozvoliti da direktror Uprave policije ispituje njegove sumnjive poslove kao i sumnjive poslove porodice Đukanović. Zar iko može očekivati da sadašnji ministar unutrašnjih poslova Ivan Brajović i vršilac dužnosti direktora Uprave policije Božidar Vuksanović mogu biti glavni nosioci borbe protiv kriminala i korupcije? Dok je aktuelni režim na vlasti, jasnoje da je svejedno hoće li Uprava policije biti u sastavu MUP-a ili ne. Đukanović će uvijek odlučivati o izboru direktora Uprave policije i on će suštinski odgovarati njemu, a formalno Vladi tj. ministru – kazao je Radulović za Dan.
Radulović kaže da je funkcija direktora policije izuzetno važna kada je riječ o borbi protiv korupcije. Policija sa tužilaštvom treba da obezbijedi neoborive dokaze na osnovu kojih bi bili pokrenuti i završeni sudski procesi. To, kako smatra Radulović, dovoljno govori o važnosti pozicije direktora policije.
To lice bi trebalo da se bavi borbom protiv visoke korupcije u kojoj kadrovi DPS-a i SDP-a imaju značajno učešće. Policije treba da se bori i protiv organizovanog kriminala, u koji su upleteni i neki viskoki funkcioneri vasti. Zar treba očekivati da će DPS i SDP na čelo Uprave policije imenovati čovjeka koji će ih dovesti k poznaniju prava? Naravno da neće – ocijenio je Radulović.
