Tizer je u roku od dva dana pregledalo više od četiri miliona ljudi.
Druga sezona prikazaće početak krvavog rata između prestolonasljednice Renire Targarijen i njenog mlađeg polubrata Egona II Targarijena.
„Nijedan rat nije toliko mrzak bogovima kao rat između rodbine“, kaže Renira u tizeru.
Njena tetka i saveznica Renis Targarijen na to dodaje: "Nijedan rat nije krvaviji od rata između zmajeva."
"Kuća zmaja" premijerno je prikazana 21. avgusta, a prva epizoda postala je najgledanija u istoriji HBO. Smještena oko 130 godina prije događaja iz serije "Igra prestola", "Kuća zmaja" priča o turbulentnom periodu za dinastiju Targarijen, kada su se brat i sestra našli na suprotnim stranama u borbi za Gvozdeni presto.
Događaj koji je u istoriji Vesterosa poznat kao Ples zmajeva, podijelio je kraljevstva na pristalice "zelenih" i "crnih", a obje strane su kraj sebe imale zmajeve.
Druga sezona pred gledaoce stiže na ljeto naredne godine.
