"Gospodinu Vujanoviću su, očito, neki ’ravnopravniji’ od drugih. Ima na to pravo kao građanin, lično, intimno, i o tome može da razgovara sa svim patrijarsima ovoga svijeta, ali kao predsjednik Crne Gore prvo treba da razgovara sa građanima svoje države i da uspostavi iskren i plodotvoran dijalog sa svima", kaže se u komentaru.
- Predsjednik spočitava Crnogorskoj pravoslavnoj crkvi da treba „da upućuje, bez obzira kako je kanonski pozicionirana, blage poruke prema vjernicima i onima koji su vjernici druge crkve i onima koji su ateisti“. Predsjednik, zanimljivo, ovo traži od crkve koja to konstantno čini i koja nikada ne dovodi u pitanje nacionalni, vjerski niti bilo kakav dignitet drugih naroda i pojedinaca. Poznato je da je interkulturalizam, istinska evropska vrijednost, bila i ostala vjekovima u temelju autokefalne Crnogorske pravoslavne crkve. Da li se ovdje pozivati na Ivana Crnojevića, svetog Petra i druge? Ali, gospodin Vujanović ni riječju da spomene ponašanje velikodostojnika Crnogorsko-primorske mitropolije i Srpske pravoslavne crkve u cjelini prema ateistima i pripadnicima drugih nacionalnosti. Podsjetimo se izjava mitropolita Amfilohija (Radovića) o ateistima, crnogorskoj naciji, komunistima, partizanima ili pak četnicima, ili mišljenja novog srpskog patrijarha o Muslimanima? Do sada su ovakve i slične izjave, da citiramo našeg predsjednika, upravo dovodile do više „sukoba, podijeljenosti i unutrašnjih nesporazuma“, ističe Sekulović.- Slažem se sa predsjednikom Vujanovićem da se tako nešto ne očekuje od svetih i mudrih ljudi, ali on to ne prepoznaje kod onih koji takve poruke i šalju. A prepoznaje ih kao moguću prijetnju (k)od onih koji ih nikada i ne šalju. To je tek problem. Dio tog problema onda postje i sam predsjednik i njegova civilizacijska, državna, politička i etička aura za koju nije dobroda postane upitna, kaže se, između ostalog, u komentaru dnevnog lista Pobjeda.
