Ovo prva pobjeda ‘plavih’ u Ligi šampiona nakon četiri ovosezonska poraza i devet mjeseci od pobjede nad rumunskom Glorijom.
Budućnost je današnjom pobjedom ostala u trci za šesto mjesto u grupi, koje vodi u osminu finala.
Budućnost je nakon početnog zaostatka od 3:1 preokrenula rezultat i na poluvrijeme otišla sa prednošću od četiri gola (14:10).
„Plave“ su dobro otvorile i nastavak, pa su u jednom trenutku imale pet golova viška (16:11), a potom i prednost od 18:13.
Ipak, rukometašice Norveške Sole iskoristile su pad u igri domaćeg tima i u finišu izjednačile na 20:20. Budućnost je zatim ponovo stekla dva gola prednosti, a pri rezultatu 23:22 golmanka Atingre odbranila je posljednji pokušaj gošći i sačuvala pobjedu.
Najefikasnija u domaćem timu bila je Godeč sa sedam golova, dok su Vukčević, Pavićević, Skrobić i Jauković postigle po tri.
