Lista magazina ''Pipl'' sastavljena je na osnovu glasova 42 miliona čitalaca magazina, njegovih urednika i modnih blogera.
Dok je Paltrou osvojila titulu najbolje obučene žene, modna ikona Kejt Midlton, poznata i kao vojvotkinja od Kembridža, imenovana je za ženu sa najboljim klasičnim stilom, prenose svjetske agencije.
Stilistkinja Paltrouove, Elizabet Salcman rekla je magazinu ''Pipl'' da glumica nije rob mode. ''Ona ima uniformu. To je nešto jednostavno, ništa pretjerano'', rekla je stilistkinja.
Glumica Ema Stoun (23) izabrana je za osobu koja ima najbolji stil na crvenom tepihu, dok se Rijana može pohvaliti izborom za nekoga ko je imao najviše rizika u svojim modnim izborima.
Glumice Džesika Alba (najbolji džins), Dženifer Lorens (najbolja ispod 25) i Riz Viterspun (najbolja trudnoća) takođe se nalaze na listi.
Medju najbolje obučenim muškarcima ove godine su Endru Garfild, Bred Pit, Kolin Firt, Robert Patinson, Krisu i Lijam Hemsvort i pjevač Džej Zij. ''Pipl'' se takođe osvrnuo i na neke od modnih promašaja i među glavne stavio mrežastu narandžastu haljinu koju je nosila pop pjevačica Fergi i cvjetnu haljinu koju je nosila Sara Džesika Parker.
(foto: blic.rs)
