Kako se sumnja, on se naoružan udaljio nakon što je danas ubio Podgoričane Petra Globarevića (24) i Nemanju Kapora (20) i Danilovgrađanina Momira Radonjića (67).
Sve se dogodilo na strelištu „Češka zbrojevka“ u mjestu Strahinići.
Iz Uprave policije (UP) su kazali da intenzivno rade na pronalasku i lišenju slobode navedenog lica.
"Pozivamo građane da, ukoliko posjeduju podatke o osumnjičenom licu ili primijete navedeno lice, podatke o smještaju i kretanju ovog lica prijave Upravi policije na besplatni policijski broj 122, putem aplikacije Policija CG (Virtuelna policijska stanica) ili na bilo koji drugi način. Informacije o licu se policiji mogu dati i anonimno. Molimo građane da pomognu u lociranju ovog lica, uz napomenu da svako skrivanje informacija o licu koje se potražuje predstavlja krivično djelo", navode iz policije.
Podsjetimo, policija je apelovala na građane da budu oprezni i da ostanu u kućama, s obzirom na to da je osumnjičeni naoružan.
Ubistvo trojice muškaraca danas oko 17 časova policiji je prijavio vlasnik strelišta M.J.
9
