Izabranici Roberta Prosinečkog će u Plzenju igrati protiv Češke, koja baš kao i 'sokoli' ima obje pobjede iz uvodna dva kola.
Iako je u pitanju tek treće kolo, nije pretjerano ukoliko se kaže da će večerašnja utakmica u velikoj mjeri odrediti dalji tok kvalifikacija za obje reprezentacije.
Crnu Goru će večeras u Plzenju pratiti i poveća grupa navijača, a naši reprezentativci prošle su noći odradili i trening na tamošnjem stadionu, koji prima oko 11.000 gledalaca.
0
"Remi bi bio odličan rezultat, ali naravno nećemo ići na bod, već da pokušamo da odigramo kako smo se dogovorili, da pobijedimo. Ali kažem i remi bi bio prihvatljiv", istakao je naš kapiten Stevan Jovetić.
Dobro su 'skenirali' Partika Šika i saigrače.
"Nikad više vremena nijesmo imali da se spremimo na pravi način. Dobro smo ih iskoristili, prostudirali Čehe, i atmosfera je mnogo bolja jer je i Stevan Savić tu. Pozitivna je atmosfera i vjerujem da ćemo odigrati čvrsto, borbeno svih 90 minuta", dodao je Jovetić.
Večerašnju utakmicu pratićemo u 20:45 časova.
Inače, večeras nastup u kvalifikacijama otvara i prvi favorit naše grupe - selekcija Hrvatske, koja će gostovati Gibraltaru.
