Globalna privreda rašće za 4,6 posto u 2010. godini, u poređenju sa aprilskom prognozom rasta od 4,2 posto, objavio je juče MMF u reviziji svog izvještaja "Svjetski ekonomski izgledi", prenose agencije. Kanada i SAD predvode izvlačenje razvijenih ekonomija iz najteže recesije od II. Svjetskog rata, dok zemlje eurozone trebaju dodatne mjere kako bi pojačale povjerenje u svoje banke, ustvrdio je Fond.
Ubrzani razvoj u Brazilu, Kini i Indiji pomaže očuvati globalni oporavak, dok ga kriza državnih dugova u Evropi otežava, navodi MMF. "Najveći politički izazov je obnoviti povjerenje finansijskih tržišta, bez gušenja oporavka", navodi MMF. "Nova prognoza zavisiće od politika obnove povjerenja i stabilnosti, posebno u eurozoni".Euro je padao u odnosu na dolar u zadnjih sedam mjeseci, zbog zabrinutosti da bi zemlje poput Grčke i Španije mogle zakazati s vraćanjem dugova.
