To je obilježilo utakmicu OFK Titograd - Budućnost u okviru 31. kola Telekom 1. CFL.
“Prije svega, čestitam igračima jer smo se vratili na pravi kolosjek nakon dva loša rezultata u prvenstvu i Kupu. Nekako smo se možda opustili nakon šampionske titule, naročito u polufinalu Kupa, ali vratili smo se”, bio je zadovoljan šef stručnog štaba Mladen Milinković nakon trijumfa od 2:0.
“Prvo poluvrijeme je moglo da ode u nekom drugom pravcu bez obzira što mi imamo kvalitetniji tim od Titograda. Protivnik je propustio šansu da povede iz jedanaesterca i sigurno bi nama bilo mnogo teže da se vratimo u utakmicu”, govori Milinković.
“Šansu u drugom dijelu su dobili iskusniji igrači koji su donijeli bodovnu prednost i titulu, tu je došlo do još veće razlike u kvalitetu i mislim da smo sasvim zasluženo pobijedili. Čestitam Titogradu na korektnoj igri, želim mu da sačuva prvoligaški staž, jer to zaslužuje kao neko ko je bio šampion države”, poručio je Milinković.