“Srbija je zemlja koja nije istočno krilo, koja je zapravo u srednjoj Evropi. Imaju izbore za nekoliko dana i imam dojam da je već dugo u krizi identiteta i da teško shvataju da su oni Rusiji ipak tek fusnota. Srbija je u NATO-u partner, isto kao i Bosna. Mora imati jasnu zapadnu perspektivu, važno je da joj se jasno u ovoj situaciji ponudi pa ako shvati, shvati, ako ne shvati, ne shvati. Još uvijek četiri članice nijesu priznale Kosovo, predložio sam da Kosovo integrišemo, da to konačno postane jedna zaokružena država”, kazao je Milanović.
Na pitanje novinara je li što rečeno detaljnije o BiH koja je zemlja pod ruskim pritiskom, rekao je: “A što, Srbija nije pod ruskim pritiskom? Ako želi taj pritisak, neka bude pod njim. A BiH se mora urediti unutar sebe jer nema niti približno jedinstven glas o ovom pitanju”.
