“Ona je vodila argumentovanu i pristojnu diskusiju o mauzoleju na Lovćenu, a pop Plamenac, poznati ratni huškač i novinar Pobjede iz devedesete, nazivao je čas Jasmina, čas Merima, valjda je to u njegovim halucinacijama način da je ponizi?! Urednik Svetigore obraća se Jeleni “gospođo Merima” i “pozdravite svog partijskog šefa Omera”, kazao je Borančić.
Kako dodaje, nekontrolisana mržnja i u živom programu gdje izigravaju superiornost "u jadnim pokušajima da uvrijede ženu tako što sugerišu da je muslimanka, a njen lider Andrija Popović zapravo Omer".
"Ima mnogo riječi sa kojima bi se ovi ljudi dali opisati, mislim da je najpristojnija jadnici. Hvala im što su ogolili istinu o sebi pred kamerama, a počeli su sa slatkorječivom pričom o “bratskoj ljubavi”. Nastavljamo borbu protiv kleronacionalizma, za građansko društvo”, poručio je Borančić na Tviteru.
