Od šampiona Engleske na "Itihadu" bolja je bila Aston Vila, koja je slavila sa 4:2 poslije produžetaka. Mančinija je posebno iritirao menadžer Vile Pol Lambert.
"Nemam pojma što je tom Villinom menadžeru. Taj Lambert je nemoguć, stvarno sam umoran od njega", rekao je bijesni Mančini poslije poraza od tima koji u prvih pet kola Premijer lige ima samo četiri boda.
"U jednom trenutku sam došao do četvrtog sudije i htio sam da ga pitam zašto glavni nije sankcionisao jedan start. Svi menadžeri tokom utakmice dolaze do četvrtog i svašta pitaju, a ja sam ga pitao - ništa. Zapravo, samo sam ga pitao nije li glavni zaboravio žute kartone u svlačionici, ali iste sekunde nam se priključio Lambert. Odmah je došao, kao što to uvijek čini i počeo da brblja. Nemam pojma zašto čovjek ima toliku potrebu da dolazi do mene i pokreće nekakve priče. Umoran sam, stvarno sam umoran od njega", zaključio je Manćini.
