Ovog puta, reagovao je nakon što je DIK odbio novih 10 prigovora, među kojima su i oni koje je podnijela lista "Pravda za sve".
"DIK po zakonu nije mogao odbiti prigovor koji je u ime Narodnog pokreta „Pravda za sve“ podnio gospodin Ivan Vukićević, jer je od podnošenja ovog prigovora prošlo više od 24 sata", istakao je on, dodavši kako je time prekršen rok propisan članom 109 pomenutog zakona.
On naglašava da se prigovor o kojem nije donijeto rješenje u roku od 24 sata smatra usvojenim.
"Pošto je gospodin Vukićević podnio prigovor 18. juna u 19:06 časova, a o njemu nije bilo odlučeno dan kasnije ni nakon 20 časova, taj prigovor je, po sili zakona, morao biti automatski usvojen. Umjesto toga, on je po sili neznanja i političkog nasilja odbijen suprotno odredbama Zakona o izboru odbornika i poslanika. Što nas više sprečavate, više nas motivišete", naglasio je on.
