Podgoričani u Pionir stižu nakon dvije pobjede nad Megom u četvrtfinalu, ali i obećavajućeg izdanja u posljednjem duelu regularne sezone protiv Partizana u “Morači”. Iz tog razloga, iako im ne pripada uloga favorita, daleko od toga da izabranici Petra Mijovića večeras odlaze sa bijelom zastavom.
Tako razmišlja i Erik Grin, koji je svjestan kako ‘crveno-bijeli’ imaju odličan tim.
“U posljednje vrijeme igramo vrlo dobro. Ako se budemo držali plana koji je pripremio stručni štab i ako odigramo kvalitetno u odbrani i odemo da se nadmećemo, vidjećemo šta će se dogoditi”, istakao je on.
Grin upozorava da Zvezda ima odlične bekove i centre.
“Ali, imamo i mi dobru ekipu. Možemo biti agresivni, dijeliti loptu, dodavati dobro i na taj način biti konkurentni”, dodao je Grin.
Večerašnji meč u Beogradu počeće u 19:30 časova.
