Američki biografski film "Hičkok" iz 2012, u režiji Saše Gervazija biće prikazan u večeras (13. avgust), u 21 čas, u parku na Zabjelu (Ulica 27. marta).
Ostvarenje je zasnovano na publicističkoj knjizi Stivena Rebela iz 1990. godine "Alfred Hičkok i stvaranje Psiho". Film donosi priču o odnosu Alfreda Hičkoka i njegove supruge Alme Revil tokom snimanja filma "Psiho" 1959. godine.
Alfred Hičkok, majstor neizvjesnosti, izuzetna filmska ikona, poznat po donošenju najnapetijih opasnosti i spletkarenja na filmsko platno, imao je skriveni poriv: kreativno-eksplozivnu romansu s nepokolebljivom ženom i saradnicom na filmu, Almom Revil.
Prvi put film "Hičkok" objelodanjuje njihovu očaravajuću i zamršenu ljubavnu priču. On to radi kroz prepredeni i tajanstveni pogled na njihovu najsmjeliju stvaralačku avanturu: snimanje napetog trilera iz 1960. "Psiho", koji je postao njegov najkontroverzniji i najpoznatiji film. Kad je burna i naizgled bezuspješna produkcija okončana, ništa što ima veze sa filmovima više neće biti isto. Ali malo ko je znao da je za tako nešto potrebno dvoje.
U filmu, koji traje 98 minuta, igraju: Entoni Hopkins, Helen Miren, Skarlet Johanson, Toni Kolet, Džesika Bil, Džejms D'Arsi.
Ulaz je slobodan.
