PobjedaIzvor
Izabranici Slobodana Draškovića odigrali su dobar meč, mnogo bolje nego prvu utakmicu u kojoj su poraženi, a pogotovo su bili raspoloženi u prvom poluvremenu, kada su imali 3:0 na odlasku na odmor.
Golove za Crnu Goru postigli su Balša Barović u 28, Viktor Đukanović u 35. i Mitar Globarević u drugom minutu sudijske nadoknade. Gosti su u nastavku stigli do utješnog gola preko Hamze Martinovića u 59. minutu.
''Odigrali smo mnogo bolje nego u prvoj utakmici. Napravili smo dosta tečnih i dobrih akcija, tako da smo zasluženo pobijedili. Na kraju, zadovoljan sam viđenim u ove dvije utakmica, najvažnije je da igrači prihvataju naše savjete, iako nijesmo imali previše vremena na raspolaganju, rekao je selektor Crne Gore Slobodan Drašković.
