'Bjankoneri' su posljednji poraz doživjeli od Parme u predzadnjem kolu prošlogodišnje Serije A rezultatom 1:0. Od meča na 'Enijo Tardiniju" su prošla 44 meča, a izabranici Antonija Konteo su zabilježili 27 pobjeda uz 17 remija. Iako je Fiorentina bila bolja od Juvea, više šuteva i veći posjed, na kraju je samo ušla u skup ekipa koje nijesu skinule 'skalp' ekipi iz Torina.
Juventus se ovom impozantnom serijom približio ekipama koje drže rekorde u ovoj kategoriji. Nerealno je očekivati da sruše rekord, mada je u fudbalu sve moguće, ASEC Mimozasa iz Obale Slonovače, koji je uspio da ostane neporažen u 108 mečeva, ili rekord Steaue koje je uspjela da ne osjeti gorčinu poraza, od juna 1986. do septembra 1989. godine, u 104 meča. Rekord koji je realan da 'padne'' datira iz perioda između 1991. i 1993. godine. Tada su ekipu Milana predvodili fantastični Holanđani, Van Basten - Rajkard - Gulit, i nanizali 58 utakmica bez poraza.
Aka bi Juve nastavio da igra kao sada rekord bi bio oboren u januaru sljedeće godine, i to baš protiv ekipe protiv koje je serija i počela, ekipe Parme.
