Joanikije je poručio kako "Svetog Vasilija možemo nazvati novim Svetim Savom, jer je išao njegovim stopama".
„A treba se prisjetiti de je upravo u onom vremenu, kada su spaljene mošti Svetog Save, došao na ovaj svijet Sveti Vasilije Ostroški i nešto kasnije postao arhijerej. Velika je služba koju je on vršio, velika žrtva koju je podnio. Zato ga je Bog tako obdario. Ali preko njega i sve nas koji mu pristupamo“, kazao je on.
Porfirije je istakao kako "riječ Božja jeste zapovijest za nas, ali njegove zapovijesti nisu ukidanje naše slobode, zapovijesti koje nisu sputavanje da činimo ono što jeste nama dato kao mogućnost da rastemo, da pokazujemo ljubav, da budemo stvaraoci".
"Nije Bog rekao: Ne ukradi, ne laži, ne ubij, ne čini preljube, ne ogovaraj, ne osuđuj, ne mrzi… Nije Bog izrekao te zapovijesti zato što je htio da nam zabrani da živimo slobodno, zato što je htio da ukine našu slobodu. Naprotiv. Kada činimo to sve i mnoge druge grijehe, mi postajemo robovi grijeha, robovi strasti, robovi đavola, a kada slušamo zapovijest Božju, mi uzimamo na sebe oruđe slobode", naglasio je patrijarh.
