Decenije su odmicale, trendovi su se mijenjali, može se reći i kako je humor evoluirao, a komedije su uvijek privlačile brojnu publiku. Međutim, za mnoge ljubitelje tog žanra bio bi jako težak posao ukoliko bi im neko povjerio da naprave listu najboljih komedija svih vremena.
Jer, osim što ih je mnogo, nerijetko je teško opredijeliti se koji je film bolji od kojeg.
Upravo takvu listu danas je objavio renomirani magazin Variety. Na njoj se nalazi 100 najboljih komedija svih vremena.
Broj jedan, što bi za neke moglo biti i iznenađujuće, pripada ostvarenju „Goli pištolj: Iz arhive policijskog odreda“ (1988).
Na drugom mjestu je kultno ostvarenje Bilija Vajldera „Neki to vole vruće“ (1959), a na trećem proslavljeni Vudi Alenov film „Eni Hol“ (1977).
Čarli Čaplinovom „Velikom diktatoru“ (1940) pripada četvrto mjesto, na petom je „Čekajući Gafmana“ (1997), a na šestom legendarni „Monti Pajton i Sveti gral“ (1975).
Ono što je posebno interesantno – najbolje plasirana komedija iz ovog vijeka je tek na 14. mjestu. U pitanju je još jedan legendarni bilm – „Stranputica“ Aleksandra Pejna, sa Polom Đamatijem i Tomasom Hejdenom Čurčom.
U nastavku pogledajte koji su filmovi među 20 najbolje rangiranih.
1. „Goli pištolj: Iz arhive policijskog odreda“ (1988)
2. „Neki to vole vruće“ (1959)
3. „Eni Hol“ (1977)
4. „Veliki diktator“ (1940)
5. „Čekajući Gafmana“ (1997)
6. „Monti Pajton i Sveti gral“ (1975)
7. „Pačja supa“ (1933)
8. „Fargo“ (1996)
9. „Mladi Frankenštajn“ (1974)
10. „Dan mrmota“ (1993)
11. „Šerlok mlađi“ (1924)
12. „Tutsi“ (1982)
13. „Doktor Strejndžlov“ (1964)
14. „Stranputice“ (2004)
15. „Vrijeme igre“ (1967)
16. „Njegova djevojka Petko“ (1940)
17. „Srcolomac“ (1972)
18. „Ovo je Spinal Tap“ (1984)
19. „Dogodilo se jedne noći“ (1934)
20. „Superloš“ (2007)
