Nakon što su na vulgaran način izvrijeđali Tošića i Karleušu, huligani su sprejom ispisali više pogrdnih poruka na njihovom automobilu.
Noćas oko 1,40 Karleuša je prijavila da joj je grupa nepoznatih mladića išarala i oštetila auto i vrijeđala supruga Duška Tošića. Policija je po pozivu blokirala kraj oko kuće na Bežanijskoj kosi, a potom i uhapsila dvije osobe, od kojih je jedna od ranije poznata policiji.
Protiv njih su podnijete prijave za ugrožavanje sigurnosti.
Srpski mediji pišu da je manja grupa navijača Zvezde zamjerila Tošiću na igri u derbiju protiv Partizana, na šta im on nije ostao dužan.
Podsjetimo, Jelena Karleuša je u protekle dvije nedjelje izazvala buru u javnosti svojom kolumnom u beogradskom Kuriru dan poslije Parade ponosa i nereda u Beogradu, u kojoj je osudila nasilje i podržala prava pripadnika LGBT populacije.
