Američki košarkaš Rašid Sulejmon novi je košarkaš Budućnost Volija.
Kako su naveli iz tog kluba, momak rođen u Hjustonu, ima 30 godina, visok je 193 cm i igra na poziciji beka.
Nakon što je igrao na Univerzitetima Djuk i Merilend, evropsku karijeru počinje u francuskom Dižonu.
Nakon Dižona seli se u Metropolitan iz Pariza, ali se vraća u Dižon sa kojim 2020. osvaja Kup Francuske, gdje je proglašen za MVP-a turnira.
U Francuskoj je igrao i za Burg sa kojim je igrao upravo protiv nas, gdje je na dvije utakmice ubacio 23 poena.
Osim Francuske, igrao je u Španiji, Turskoj, Kini, a prošle godine je bio član litvanskih Vulvsa.
Sulejmon je bio šampion svijeta sa ekipom SAD na Mundobasketu do 19 godina 2013. godine, sa generacijom koju je predvodio Aron Gordon.
