Ekipa iz Berlina večeras je poražena na gostovanju Kelnu, rezultatom 5:2 (3:2). U Kelnu je pogodio naš Stevan Jovetić, koji je Hertu u 33. minutu doveo u vođstvo (1:2), ali bilo je to kratkog daha.
Meč 32. kola otvoren je ranim golom domaćih u osmom minutu - strijelac je bio Zelke. Kroz 10 minuta je poravnao Tusar, a potpuni preokret vidjeli smo u 33. minutu. Lukebakijo je dodao loptu Jovetiću, a on je a ivice šesnaesterca sjajno šutnuo i smjestio je u mrežu.
No, do odlaska na odmor, uslijedio je novi preokret - Keln je stigao do nove prednosti golovima Hubersa u 39. minutu i Skirija u 43.
Do kraja utakmice, mrežu gostiju još jednom je pogodio Hubers, a u finišu i Huseinbašić.
Herta sada ima tri boda manje od Štutgarta, koji je u zoni baraža i koji tek treba da odigra meč 32. kola. No, dobije li sjutra Bohum ekipu Augzubrga, ili preksjutra Štutgart sastav Leverkuzena, Herta će od baraža biti daleko čak šest bodova.
