Tako će Crnoj Gori na kraju pripasti četvrto mjesto u grupi, te će je na startu doigravanja preksjutra čekati meč protiv Mađarske ili Danske.
Što se tiče današnjeg duela, u većem dijelu prvog poluvremena Srbija je imala prednost, koja je u jednom momentu iznosila tri razlike (4:7). No, uz neobično malo pogodaka nakon 30 minuta, izabranice Tatjane Jeraminok na odmor su otišle uz prednost – 9:8.
Ništa manje neizvjesno nije bilo ni drugo poluvrijeme, u kojem je Srbija uspjela da preokrene, pa je naša selekcija u finiš ušla pokušavajući da sustigne zaostatak. U tome su uspjele u 52. minutu, kada nam je Gašević nakratko vratila vođstvo - 17:16. Pogotkom Nedeljković, suparnice su dva minuta prije kraja stekle plus od dva gola (18:20) i tada je bilo prilično izvjesno kako će Crna Gora danas teško moći i do boda.
Jolić i Mitrović su u našoj selekciji imale najbolji učinak, sa po četiri postignuta gola.
